Алматы мемлекеттік табиғи қорығы — Қазақстандағы ең көне қорықтарының бірі. Іле Алатауының бірегей табиғатын, сирек кездесетін өсімдіктер мен жануарларды қорғау мақсатында жұмыс істейді. Қорық аумағында қар барысы, тянь-шань қоңыр аюы, түркістан сілеусіні сияқты сирек кездесетін жануарлар мекендейді. Табиғи экожүйелерді сақтау, ғылыми зерттеулер жүргізу және экологиялық ағарту жұмыстарын жүргізу — қорықтың негізгі міндеттерінің бірі.